Ookla ប្រព័ន្ធវាស់ល្បឿនអ៊ីនធឺណិតដ៏ល្បីមួយ បានបង្ហាញរបាយការណ៍ថ្មីចុងក្រោយ បង្ហាញពីចំណាត់ថ្នាក់ល្បឿនអ៊ីនធឺណិតរបស់ប្រទេសនីមួយៗ គិតនៅត្រឹមខែវិច្ឆិកា ឆ្នាំ ២០១៧ នេះ។
ចំណាត់ថ្នាក់មានចែកចេញជាពីរប្រភេទ រួមមានល្បឿនអ៊ីនធឺណិតលើទូរសព្ទ និងល្បឿនអ៊ីនធឺណិតតាមខ្សែកាប។ ប្រទេសន័រវែសនាំមុខគេ ជាប្រទេសមានអ៊ីនធឺណិតទូរសព្ទល្បឿនលឿនជាងគេ ជាមួយល្បឿន ៦២,៦៦ Mbps តាមពីក្រោយដោយប្រទេសហុល្លង់ និង អ៊ីស្លង់។
ចំណែកសិង្ហបុរីវិញអាចរក្សាតំណែងលេខមួយ ជាប្រទេសមានអ៊ីនធឺណិតខ្សែកាបលឿនជាងគេ ជាមួយល្បឿន ១៥៣,៨៥ Mbps តាមពីក្រោយដោយប្រទេសអ៊ីស្លង់ និងហុងកុង។
ងាកមកប្រទេសកម្ពុជាឯណេះវិញលើល្បឿនអ៊ីនធឺណិតទូរសព្ទជាប់លេខ ៧៨ ជាមួយល្បឿន ១៤,៩៧ Mbps និងបានលេខ ៩៩ លើល្បឿនអ៊ីនធឺណិតខ្សែកាប ដោយមានល្បឿន ១១,៩៨ Mbps៕
Comments
Post a Comment