“Monster Trucks” ភាពយន្ត​សើច​ចុក​ពោះ មក​ដល់​កម្ពុជា​ហើយ!

​ភាពយន្ត​បែប​កំប្លែង “Monster Trucks” ដែល​ផលិត​ដោយ​ក្រុមហ៊ុន​​ភាពយន្ត Paramount Animation នឹង​ត្រៀម​ចាក់​បញ្ចាំង​ជា​ផ្លូវការ​ក្នុង​ប្រទេស​កម្ពុជា​នៅ​ថ្ងៃ​ទី​ ១២ ខែ​មករា ឆ្នាំ ២០១៧​​ស្អែក​នេះ​ក្នុង​រោងភាពយន្ត Major Cineplex by Cellcard។

​ ភាពយន្ត​ដែល​​​នាំ​ចូល​ដោយ Sabay MVP បង្ហាញ​ពី​បុរស​ដែល​ជា​តួ​ឯក​ឈ្មោះ​ថា Tripp Coley (សម្ដែង​ដោយ Lucas Till អតីត​មិត្ត​ប្រុស​តារា​ចម្រៀង  Taylor Swift ) បាន​ជួប​ជាមួយ​សត្វ​ចម្លែក​មួយ​ក្បាល​ ដែល​គេ​បាន​ដាក់​ឈ្មោះ​ឲ្យ​ថា Creech។

Creech ជា​សត្វ​ចម្លែក​ស៊ី​ប្រេង​ជា​អាហារ ប៉ុន្តែ​មុខ​គួរ​ឲ្យ​ចង់​សើច។ Tripp ហាក់​ដូច​ជា​ខ្លាច​ Creech ពេល​ជួប​គ្នា​ដំបូង ប៉ុន្តែ​រយៈ​ពេល​មួយ Tripp បាន​ដឹង​ថា សត្វ​ចម្លែក​មួយ​ក្បាល​នេះ​មាន​ថាមពល​ពិសេស​ ដែល​អាច​ធ្វើ​ឲ្យ​ឡាន​មួយ​គ្រឿង​ដែល​គ្មាន​ម៉ាស៊ីន​ទៅ​មុខ​បាន​យ៉ាង​អស្ចារ្យ។​

 ​ភាព​យន្ត​ដែល​ចំណាយ​ដើម​ផលិត​១២៥​លាន​ដុល្លារ​នេះ​ ជា​ភាពយន្ត​កំប្លែង​ល្អ​មួយ​នា​ដើម​ឆ្នាំ​២០១៧ សម្រាប់​អ្នក​ចូលចិត្ត​ទស្សនា​រឿង​រីករាយ។ តារា​សំខាន់​ដែល​បាន​សម្ដែង​ក្នុង​រឿង​នេះ​​ដូច​ជា៖ Jane Levy , Amy Ryan, Rob Lowe និង​Barry Pepper ជា​ដើម។​ ហើយ​វា​​នឹង​បញ្ចាំង​នៅ​អាមេរិក​នៅ​ថ្ងៃ​ទី ១៣ ខែ មករ ឆ្នាំ ២០១៧៕

ចង់​ដឹង​រឿង​នេះ​ល្អ​មើល​ប៉ុណ្ណា​មើល Trailer ទាំង​អស់​គ្នា៖